العودة   منتديات فلسطين المستقبل > εïз تحتَ الآضـوآء εïз > ○ ● نقآشآت وحوآرآت

الإهداءات

إضافة رد
 
أدوات الموضوع انواع عرض الموضوع
قديم بيـآنـآتيَ/02-13-2018, 01:48 PM   #1

حـ,ـكـ,ـآيـ,ـهـ,ـ ۅطـ,ـنـ,ـ
فَلسفہ'ةَ گيبُورد ♪ ‏

الصورة الرمزية حـ,ـكـ,ـآيـ,ـهـ,ـ ۅطـ,ـنـ,ـ

حـ,ـكـ,ـآيـ,ـهـ,ـ ۅطـ,ـنـ,ـ غير متواجد حالياً

عضَويتي َ : 11403
تسجيليّ : Mar 2011
مُشآركاتيّ : 11,756


Thumbs down احذرو_الفضائح #خصوصياتكم_تهدد_حياتكم

#احذرو_الفضائح #خصوصياتكم_تهدد_حياتكم
#تسريبات_مصوره__من_الجامعات

كل واحد بالحياة بيحب يعيش حياتو الخاصة والي بتكون فعليا خصوصية يعني بين حلقة ناس مقربين جدا ، بس اللاشي الخطير صار بهالايام انو حتى القريب عم يغدر فيك .
موضوعنا اليوم رح يكون عن الجامعات والبنات والمشاكل هاي الي عم تتكرر باخر فترة .
والمفروض نحط حد لهي المشاكل ونعمل على تقليصها من خلال التوعية اللازمة لهيك ياريت الكل يقرأ ويكمل معي ..

بفتح الرسائل بلاقي بنت باعتتلي رسالة مكتوب فيها
: يا ريت ترد علي بأسرع وقت ممكن ، خيا انا بورطه كبيره وبدي اتصللك والوضع مش متحمل أنتظار ( من كلامها مبين انها بمازق والموضوع خطير ) .
بقلها تفضلي شو القصه ؟؟

بتحكيلي الحمدلله انك رديت .. انت املي الأخير خيا من بعد الله ، القصه وما فيها وبكل صراحه ما بدّي اخفي عليك اَي شي حتى تساعدني بكل سهولة ... قبل اسبوع كنّا انا وصحباتي الخمسه داخل السكن الجامعي قاعدين كأي بنات مع بعض منسهر ومنتخرف مع بعض وب لحظه قررت أقوم أرقص انا وصاحبتي وكأنو انا سكرانه بس انو عن مزح ( يعني القصة تمثيل للمزح بيننا والضحك ) واعمل حركات وصراحه كثير الاواعي كانت قصيره ومفتوحه.. (ملابس نوم) لاني بهداك اليوم كنت بدّي انام عندها ..بحكيلها طيب شو انا بقدر ساعدك ..بتقلي ما بعرف مين من البنات الي معنا سربو الفيديو وما بقدر اظلم حدا( يعني بيضلو صحباتي المقربين ومافيني اظلم حدا ويطلع بريء ) ...

المهم خيا بتصلني رسالة على الفيسبوك من حساب مزيّف فيها الفيديو تبعي وصوري كمان فاضحه مثل ما فهمتك بس كلشي كان عن مزح كقعدة بنات خاصة.. وطلب مني هاد الشخص انو افتح الكاميرا وارقصله وانا عاريه بدون ملابس او بنشر الفيديو على موقع اباحي وايضاً موقع اليوتيوب ويبعت الرابط لكل أصحابي وبالأخص اهلي وعيلتي ( وهون لمى في بين ايديه شيء بيوقعني نجبرت اعمل شو بدو .. وماعرفت ع مين الحق !! علي انا الي وثقت فيهم ولا عليهم الي طلع حدا منهن ما بخاف الله ؟؟!!) طبعا انا حكيت معه بعملك شو بدك وضليت احكي معاه يومين بس ما فتحت الكاميرا لاني فش اشي اعملو وخايفه كثير ... وآخر شي اختنقت وبطلت اقدر اكمل معو ورفضت اعمل شو بدو وعملتلو بلوك( كان صعب عليي الموقف كتير وماقدرت اتحمل ) وهون هاد الشخص رفع الفيديو على على اليوتيوب

بتقلي خيا من شان الله ساعدني احنا من بيت محافظ كثير وإذا حدا شاف الفيديو من اهلي راح انقتل ويضيع مستقبلي ( صعب انو بنت تنفضح وخصوصي بهيك موقف وماكان مقصود )
وفجأة أمها اخدت التلفون بتحكي معي وبتعيط خالتي من شان الله تساعدنا وخود شو بدك .. اذا اخوتها عرفو بالموضوع بقتلوها وما بفكرو مرتين ومستعدين نعطيك شو بدك بس ساعدنا ..صراحة لما سمعت الام بتبكي كانو صخره ونزلت علي( ما كان بهون علي اسمع ام بتبكي )

قلتلها خلص خالتي ماتخافي انا بتصرف بأسرع وقت وبحل الموضوع انشالله ، واعطيني بنتك حتى اكمل حكي معها وافهم التفاصيل الي صارت .. وطلبت منها معلومات مين البنات الي كانو يصوره ..
ومين الي بعتلك الرابط الفيديو والخ .. بتقلي واحد من الجامعه بتعلم معي بعتلي بقلي ردي ضروري في الك فيديو اسا شفتو بالصدفه على موقع اليوتيوب وانتي ترقصي ، قلتلها خلص ماشي انا بتصرف وبعد فحص الفيديو والأشخاص وكل الامور التقنيه اتضح انو الشب الي بتعلم معها هو الي رفع الفيديو على موقع اليوتيوب وما كان لسى ولا مشاهده فقط 2 يعني انا والبنت والمفروض هو يكون الثالث ولكن نظام اليوتيوب ما بعد مشاهده لصاحب الفيديو وغلطتو الكبيره كانت انو اسم المستخدم تبعه في اليوتيوب نفسه تبع الفيسبوك هو فقط غيّر اسم القناه فَقَط قبل رفع الفيديو ..
ولكن ما غيّر اسم المستخدم للقناه لانو دايما المجرم بنسى اشي وبعدها تم حذف الفيديو وتصوير جميع الامور...

وتواصلت مع البنّت بعدها وقتلها حذفت الفيديو وسألتها عن الشاب هاد مين بكون بتقلي بكون صاحب صاحبتي فهون استنتجت انو البنت هي الي بعتت الفيديو لصاحبها وهون هاد الشخص المبتز عديم الضمير استغل الاشي لاغراض جنسية كالعادة وابتزازها ، وانا فهمتها شو بالزبط الي صار مع جميع الإثباتات واتصلت على البنت وقلتلها هيك هيك صار وانا بعرف انك بعتي الفيديو ما تنكري وصاحبك هيك طلب مني اعمل معو وصورت كل المحادثات السابقه وبعتتهم وبعدها صاحبتو انصدمت وحكت الحقيقه انها بعتتو على الواتساب وحلف انو محاه ، وبعد هيك شكرتني الام والبنت وبعدها تم تقديم شكوى قانونيه مع جميع الإثباتات القانونيه والتقنيه

طيب بعد ما قريتو هالقصة لازم يكون صار تاخدو حذركن من هالقصص ؟؟!
وبما انو حالات قصص الجامعة عم تجي عندي أسبوعيا باستمرار !!
الي في منهن بتصورو مع صاحبها او صور خاصه او تدخين او شرب كحول ويتم تهديدها بطرق مختلفة لان الابتزاز منتشر باكتر من طريقة ..
ع مين الحق رح يكون ؟؟
لازم الواحد ينتبه لتصرفاتو حتى لو كان واثق بالشخص ميه ميه ما لازم يسلمّمو نقطة واحده عليه ..
والمفروض فعليا ناخد حذرنا اكتر وبشكل كبير من هالامور ..!!

يمكن في ناس رح تعارضني وتقول هي حرية شخصية والبنت حرة شو تسوي ...
اذا مابدكن تفكروا بالناس الي حواليكن فكروا بس بأهاليكم الي الي عم يطلع دم قلبهن لحتى يخلوكو تتعلموا وتصيرو باحسن المراتب .. مش لحتى تفضحوهن بلحظة غباء ..!!
وهالشي بيرجع كمان للتربية بالبيت والتوعية
ومنرجع منقول لازم تكون التوعية من الاهالي خصوصا كتير كبيرة ...

وياريت تشاركوا المنشور كالعادة على اوسع نطاق حتى يوصل المنشور لاكبر عدد ممكن لحتى نقلص هالمخاطر والمشاكل من مجتمعنا ولحتى نقدر نوعي اكبر عدد من الناس ..

تحياتي المهندس #احمد_بطو مختص أمن المعلومات والجرائم الالكترونيه وسفير شركه موزيلا فايرفوكس




 

 

 


 

  انشر

 
  رد مع اقتباس
قديم بيـآنـآتيَ/02-13-2018, 11:49 PM   #2

عاشق البطاطا

عاشق البطاطا غير متواجد حالياً

عضَويتي َ : 10756
تسجيليّ : Sep 2010
مُشآركاتيّ : 3,250


افتراضي

مشكورة على الموضوع
وشكرآ للمهندس على مجهوده
بس عندى تعليق ..
يعنى البنت ليش من كل البنات اللى معاها اللى رقصت وليش بالزبط انو الفيديو هو اللى نزلو على اليوتيوب .. يعنى بالاول والأخير متفقين عليها يضروها بهيك أشى ويكسرو شخصيتها ويدمرو نفسيتها .. يعنى كل شلتها طلعو بيحفرو الها ويوقعوها بالغلط وبالفعل صار الابتزاز جنسيآ ومساومتها بالفضيحة ..
وجهة نظرى فقط ..




 

 

 


 توقيع : عاشق البطاطا

ضجيج..⚘⚘
  رد مع اقتباس
قديم بيـآنـآتيَ/03-15-2018, 11:07 PM   #3

حـ,ـكـ,ـآيـ,ـهـ,ـ ۅطـ,ـنـ,ـ
فَلسفہ'ةَ گيبُورد ♪ ‏

الصورة الرمزية حـ,ـكـ,ـآيـ,ـهـ,ـ ۅطـ,ـنـ,ـ

حـ,ـكـ,ـآيـ,ـهـ,ـ ۅطـ,ـنـ,ـ غير متواجد حالياً

عضَويتي َ : 11403
تسجيليّ : Mar 2011
مُشآركاتيّ : 11,756


افتراضي

اقتباس:
المشاركة الأصلية كتبت بواسطة عاشق البطاطا مشاهدة المشاركة
مشكورة على الموضوع
وشكرآ للمهندس على مجهوده
بس عندى تعليق ..
يعنى البنت ليش من كل البنات اللى معاها اللى رقصت وليش بالزبط انو الفيديو هو اللى نزلو على اليوتيوب .. يعنى بالاول والأخير متفقين عليها يضروها بهيك أشى ويكسرو شخصيتها ويدمرو نفسيتها .. يعنى كل شلتها طلعو بيحفرو الها ويوقعوها بالغلط وبالفعل صار الابتزاز جنسيآ ومساومتها بالفضيحة ..
وجهة نظرى فقط ..
اسعدتني مداخلتك
شكرا للمرور الطيب
دمت بخير




 

 

 


  رد مع اقتباس
إضافة رد

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 03:55 AM.


Powered by vBulletin® Version 3.8.7
Copyright ©2000 - 2019, vBulletin Solutions, Inc. Trans by